Dit gaan oor Jesus
By Taberna Dei is ons fokus JESUS. Hy is die Hoof van Sy kerk, Hy is die opgestane Seun van God – die Een wat was, wat is en wat weer sal kom. Soos die apostel Paulus in 1 Korintiërs 2:2 wil ons niks anders ken onder mense as “Jesus Christus, en Hom as gekruisigde.” Daarom sal jy vind dat ons prediking en bediening Christosentries is (d.w.s. op Jesus en wat Hy vir ons gedoen het aan die kruis).
Ons skaam ons dus ook nie vir die Goeie Nuus van Jesus Christus nie (Rom. 1:16), maar ons moedig mense aan om in ‘n persoonlike verhouding met Jesus te leef. Hierdie verhouding begin by wedergeboorte (Joh. 3:3) en groei deur ‘n lewenslange verbintenis tot dissipelskap as volgeling van Jesus.
Verder moedig ons mense aan om hul Christenskap prakties uit te leef na die mense rondom hulle – hetsy by die werk, skool of sosiale sfere – deur mense te dien en so hul lig te skyn sodat God die Vader daardeur verheerlik word (Matt. 5:16).
Finansiële Bydraes
Finansiële bydraes kan op verskeie maniere gemaak word. Mag God jou getrouheid en vrygewigheid seën.
EFT
Bankbesonderhede:
ABSA Bank
Tjekrekening
Tak: 334 248
Rek: 1044 720 104
SNAPSCAN
'Scan' die QR-kode met jou Snapscan APP/TOEP om 'n oorbetaling te maak.
Snapscan is beskikbaar vir Android en iOS.
ZAPPER
'Scan' die QR-kode met jou Zapper APP/TOEP om 'n oorbetaling te maak.
Zapper is beskikbaar vir Android en iOS.
Meer oor TABERNA DEI
5 Kampusse
Ons het 5 kampusse oor 2 geboue: By ons Bekker straat Ouditorium is Ooskampus, NOVA en die City Campus geleë. By ons Jorissen straat Ouditorium sal jy Moederkampus en ons English Campus vind.
Die Woord is die Waarheid
Ons glo dat die Bybel deur God geïnspireer is en dat ons help om te weet Wie God is en wat God se wil is. Daarom sal jy vind dat ons prediking altyd fokus op die Skrif.
Geesgevulde Aanbidding
Ons is passievol lief vir die Here en ons eredienste word gekenmerk deur 'n sterk geestelike aanbiddingsbelewenis. Ons glo dat God Gees is en die wie Hom aanbid moet Hom in gees en waarheid aanbid (Joh. 4:24).
Ons Passies
Passie vir God
Die hoogste roeping vir elke mens is om God met oorgawe te dien en vir hom te leef.
Passie vir integriteit
Ons glo dat elke mens se ja, ja moet wees en nee, nee.
Passie vir ons stad
Ons het 'n passie vir ons stad en bid, droom en werk saam om te sien dat dit goed sal gaan met almal wat hier woon.
Passie vir mense
Ons leef lewens gevul met liefde vir elkeen om ons.
Passie vir dienswerk
Elke gelowige word geroep tot 'n lewe waarmee ons andere dien.
Passie vir ons provinsie
Ons neem hande ander bedieninge en gemeentes om te sien hoe God se koninkryk kom in die provinsie waar ons woon.
Waaroor gaan kerk?
Aanbidding
Die eerste doel van die kerk is om God te aanbid. Alles gaan eerstens oor Hom.
Gemeenskap
Die tweede doel van die kerk is om jou naaste lief te hê soos jouself – om in “fellowship” met mekaar te leef.
Dissipelskap
Die derde doel van die kerk is om op te groei tot geestelike volwassenheid deur die lewenslange proses van dissipelskap.
Bediening
Die vierde doel van die kerk is om ander te dien deur hul behoeftes op geestelike, emosionele en fisiese vlakke aan te spreek.
Evangelisasie
Die vyfde doel van die kerk is om die Goeie Nuus van Jesus met ander te deel.